كتبت رشا خالد الحب هبة من عند الله وراحه نفسيه وقبول قبل اي حاجه تحس أن قلبك بيدق بسرعة الحب دعاء لمن تحب وخوف عليه الحب انك تقف معاها في كل موقف وقفه رجل… عاوزها بقى تحبك لازم تحسسها بكل ما سبق مش مجرد كلمه بتقولها وترميها ما في مليون واحد بيقول بس الفكرة هنا في الي بيكون كلامه من القلب مش كلام معسول وخلاص البنت كائن ضعيف رقيق بطبعها تحتاج لحنان تحتاج لاهتمام اهتمام اهتمام مش حب سيطرة وامتلاك هي مش عاوزه تقولها بحبك لا أعمل ما يثبت ده مش تروح تكلم ادام صحابك عنها وعن الي بنكم أصل ده يقلل من رجولتك ادامها خاف عليها مش تخليها تخاف منك هي محتاجه الأمان الأمان الأمان هي طالعه من بيت أهلها الي حموها طول عمرها فكون حماية لها عاوزه تشوف حبك في نظراتك وحركاتك وصمتك وكلامك اوعى توعدها وتخلف وعد ماهي بتصدقك والرجولة كلمة ولا ايه؟ بلاش قسوة ما هو ملهاش غيرك ولا تضرب ولا تشتم أصل هي شيفاك راجل ودي مش رجولة مش تنسى أنها هتتكسر وعمرك ماهتعرف تصلح الي اتكسر لأنها هتجرحك. انت على طول مشغول فلازم ليها وقت تسمع الي عندها وكلامها يكون محور اهتمام مهما كان تافه مش تنسى انك بابا واخوها وكل ماليها وبعدين ماهي كمان ماما وبتكون حنينه وبتقف جمبك وطبطب عليك بلاش أنانية ومش تبخل بكلام الحب البنت تعشق بالسمع خليك صندوق أسرارها بدل ما تخسر ثقتها شاركها في حياتك بدل أصحابك الي هيخربو عليك لأن كل واحد برأي بلاش تبخل عليها ماهي أهل بيتك الي هتشيل اسمك او شيلة اصلا اسمك يوم ما تيأس أمشي على السنة وشوف نبينا عليه الف صلاه وسلام كان بيعامل زوجاته ازاي وهو خير الناس يبقى هتطلع انت مين الرجولة مش كلمه اتكتبت في بطاقة والأنثى بلاش تقلل منها مش تنسى أنها الام الي تعبت لتربيتك وهي الأخت الي حنينه معاك كن راجل معها مش راجل عليها وكن صبور لان ربنا وضع زمام الأمور في ايدك وكلمه طلاق بيدك علشان انت الراجل الحكيم لكن هي الضعيفة بلاش تستقوى عليها وتكسرها الكسرة وحشه وهيجي يوم وتشرب من نفس الكأس على فكرة البنت إناء فارغ انت الي هتقرر هتملاه حب ولا كره اجعل بيتك جنة مش سجن تظل طول عمرها نفسها تخرج منه ويفك أسرها على فكره هي مش الجارية الي اشترتها ليك مهمتها الطبخ والمسح لا أنت فاهم غلط خالص المفروض تبقى ملكه في بيتك هي دي الرجولة الي تخلي البنت تحبك وتثق فيك وحياتك وردية قصدت أكتب بالعامية لتصل قلوب البشريه ولينا لقاءات في مواضيع تانيه
